Kom til Kvinnherad!

Kvinnherad er ein flott kommune med variert næringsliv og unik natur.

Lagslivet er aktivt, og dugnadsånda lever.  Det bur 13.200 mennesker i kommunen, men vi  ønskjer oss fleire innbyggjarar. 

Det heile starta med romjulsarrangement i 2004 for ungdom som var heime på juleferie som vart arrangert av Kvinnherad kommune, Kvinnherad Næringsservice og Folgefonn Næringshage. Ordførar serverte graut og bedriftene presenterte seg. Målsettinga var i første omgong å informere dei unge om at  vi hadde ønskjer om at dei ville busette seg her.

I 2008 var det bestemt å arrangere ei samling i Bergen med presentasjon av kommunen. 7 bedrifter med ordførar i spissen inviterte Kvinnheringar og andre til ei samling. Det kom over 60 personar.  Det har no vore arrangert 'Kom til Kvinnherad'-samlingar i både Bergen, Stavanger, Trondheim og Oslo. Nokre stader opp til fleire gonger.

Vi vonar at utflytte Kvinnheringar og andre vil få augo opp for kvalitetane i kommunen vår, og vurdere å flytte hit. I det minste kan du ta deg ein ferietur. Det er mykje fint å sjå og oppleve.